U khlur jong Everton, u Jack Grealish, u la pynshisha ba u la leh operation halor ka jingmynsaw jong ka kjat (stress fracture) bad mynta un ym lah shuh ban ïalehkai ha ka bynta ba sah jong ka samoi 2025–26 . U rangbah ba la dap 30 snem u la wan sha ka klob kum u nongïalehkai ba wan  da ka ram na Manchester City, bad u la sngewbha  ban  ïalehkai ha Merseyside. Hynrei kane ka jingmynsaw ka la pynkut kloi ïa ka jingïaid lynti jong u ha kane ka samoi. Mynta u la phah ka khubor na ka ka jingthiah ha hospital katba u dang sdang ïa ka jingïai jingïakhun ban kham khlain biang.

Ka samoi ka la kut noh na bynta u Grealish

U Grealish u la pynlut ïa ka samoi ha Merseyside bad u la kylla kloi kum u nongïalehkai uba ki paidbah ki ieid bha hapdeng ki nongkyrshan jong u ba la ïalam da u David Moyes. U la thep ar tylli ki kol bad ai hynriew tylli ki jingïarap (assists) na bynta Everton ha ka Premier League ha kane ka samoi, hynrei un ym lah shuh ban ïalehkai ha 2025–26 hadien ba u la ïoh ïa ka jingmynsaw stress fracture ha ka kjat.

U Moyes u la pyntip ba ïa kane ka jingmynsaw la lap shisha katba ki doctor ki dang peit ïa ka jingmynsaw ha u syngkai (calf). U la ong sha ki nongthoh khubor:
“Ka long ka jingduh kaba khraw ban duh ïa u. Um shym la wan sha ngi da kaba ud halor ka kjat. U la ïoh tang ka jingïapoh (kick) ha u syngkai bad ngi la pyrkhat ba un bha noh. 

Ngi la ngeit ba ka long tang ka jing mynsaw  ba shadien u syngkai bad ba un bha noh hadien katto katne sngi. Hynrei haba ki la peit bniah ïa ka kjat, la lap ba u don ïa ka stress fracture. Ka long ka jingisynei kaba khraw ïa u. U la sdang biang, u la sngewkmen ban ïalehkai bad u la leh ïa kaei kaba u nang bha. Ki nongkyrshan jong Everton ki la kyrshan bha eh ïa u, ki burom shibun ïa u. Ka long kaba sngewsih ba mynta un hap shongthait na ka jingïalehkai na bynta katto katne por.”